काठमाडौं- नेपाल वायु सेवा निगमको वाइडबडी जहाज अन्नपूर्ण ग्राउन्डेड भएको छ। जहाजको इन्जिनमा समस्या देखिएपछि आइतबारदेखि अन्नपूर्ण ग्राउन्डेड भएको विमानस्थल स्रोतले बताएको छ।
जहाजको इन्जिनमा रहेका पार्टपुर्जामा समस्या आएपछि ग्राउन्डेड भएको हो। समस्या देखिएको पार्टपुर्जा परिवर्तन नै गर्नुपर्ने भएको स्रोतको भनाइ छ। तर, पार्टपुर्जा नपाएको कारण जहाज कहिलेसम्म सञ्चालमा आउँछ भने निश्चित नरहेको स्रोतको भनाइ छ।
योसँग निगमको अन्तर्राष्ट्रिय उडान तालिकामा समेत असर पर्ने भएको छ। निगमले अहिले दुई वटा वाइडबडी र दुइवटा एयर बस मार्फत ६ देशका आठ गन्तव्यमा उडान गर्दै आएको छ।
अन्नपूर्ण ग्राउन्डेड भएपछि अब तीन वटा जहाज अन्तर्राष्ट्रिय उडानका लागि संचालनमा छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
