प्रतितोला १ हजारले बढ्यो सुनको मूल्य

नेपाल लाइभ | २०७६ भदौ १८ बुधबार | Wednesday, September 04, 2019 १५:३५:०० मा प्रकाशित

काठमाडौं- सुनको भाउँ बुधबार फेरि प्रतितोला एक हजार रुपैयाँले बढेको छ।

नेपाल सुनचाँदी व्यवसायी महासंघका अनुसार बुधबार छापावाल सनु प्रतितोला ७३ हजार ५ सय रुपैयाँमा कारोबार भएको छ। मंगलबारको तुलनामा बुधबार एक हजार रुपैयाँले बढेको हो।

मंगलबार सुन प्रतितोला ७२ हजार ५ सय रुपैयाँमा कारोबार भएको थियो। यसैगरी आज बुधबार तेजाबी सुनको मुल्यमा पनि १ सय रुपैयाँले बढेर ७२ हजार ३ सय रुपैयामा कारोबार भएको छ।

मंगलबार तेजाबी सुन ७२ हजार २ सय रुपैयाँमा कारोबार भएको थिए।

यसैगरी चाँदीको मुल्यमा पनि एकै दिनमा ४५ रुपैयाँ बृद्धि भएको छ। मंगलबार प्रतितोला ८ सय ९५  रुपैयाँमाकारोबार भएको चाँदी आज बुधबार ९ सय ४० रुपैयाँमा कारोबार सुरु भएको छ।