अब बिपी राजमार्गमा सडक दस्तुर, कुन सवारीले कति तिर्नुपर्छ?

नेपाल लाइभ | २०७६ असोज ३ शुक्रबार | Friday, September 20, 2019 १६:३३:०० मा प्रकाशित

जनकपुर- अब बिपी राजमार्गमा सवारी चलाउँदा सडक दस्तुर तिर्नुपर्ने भएको छ।

सडक बोर्ड नेपालले असोज १ गतेदेखि लागू हुनेगरी बिपी राजमार्गमा सडक दस्तुर उठाउने निर्णय गरेको हो।

अब धुलिखेलदेखि खुर्कोटसम्मको खण्डमा भारी सवारी साधन (बस, मिनिबस, ट्रक, मिनीट्रक र हेभी मसिनरी) ले १२५ रुपैयाँ तिर्नुपर्नेछ। त्यस्तै हलुका सवारी साधन (कार, जिप, पिकअप, भ्यान, र ट्रयाकटर) ले ५० रुपैयाँ तिर्नुपर्नेछ। तीनपांग्रे टेम्पो र मोटरसाइकलले १५ रुपैयाँ तिर्नुपर्नेछ।

यस्तै खुर्कोट–सिन्धुली–बर्दिवास सडक खण्डमा भारी सवारी साधन ले ११५, हलुका सवारी साधनले ४५, तीनपांग्रे टेम्पो र मोटरसाइकलले १५ रुपैयाँ तिर्नुपर्नेछ।

बिपी राजमार्गमा पहिलो पटक सडक दस्तुर उठाउन थालिएको हो। यसबाट उठेको रकम सडक मर्मतको लागि प्रयोग गरिने बोर्डले जनाएको छ।