कटुवा पेस्तोलसहित एक जना पक्राउ

नेपाल लाइभ | २०७६ असोज १७ शुक्रबार | Friday, October 04, 2019 १४:४१:०० मा प्रकाशित

काठमाडौं- धनुषाको जनकपुर उपमहानगरपालिका–१४ बाट प्रहरीले एक जनालाई कटुवा पेस्तोलसहित पक्राउ गरेको छ। 

पक्राउ पर्नेमा महोत्तरी जलेश्वर नगरपालिका–९ बस्ने २१ वर्षीय आनन्द पाठकलाई कटुवा पेस्तोल १ थान सहित बिहीबार साँझ प्रहरीले पक्राउ गरेको हो। 

२ नम्बर प्रदेश प्रहरी कार्यालय जनकपुर र वडा प्रहरी कार्यालय मुजेलियाबाट संयुक्त रुपमा खटिएको प्रहरी टोलीले ज ११ प ४६५० नम्बरको मोटरसाइकल जाँच गर्ने क्रममा मोटरसाइकलमा सवार पाठकले कम्मरमा लुकाई राखेको उक्त पेस्तोल फेला पारेको  हो। 

यस सम्बन्धमा प्रहरीले थप अनुसन्धान गरिरहेको छ।