उपनिर्वाचन : स्थानीय तहका ४८ पदका लागि २८१ जनाको उम्मेदवारी

नेपाल लाइभ | २०७६ कार्तिक २८ बिहीबार | Thursday, November 14, 2019 ०६:२८:०० मा प्रकाशित

काठमाडाैं- आगामी मंसिर १४ गते स्थानीय तहका ४८ पदका लागि हुने उपनिर्वाचनमा २८१ जनाको उम्मेदवारी परेको छ। निर्वाचन आयोगका अनुसार उम्मेदवार दिनेमध्ये राजनीतिक दलका २१७ र स्वतन्त्र उम्मेदवार ६४ जना रहेका रहेका छन्।

मनोनयपत्र दर्ता गर्ने महिला उम्मेदवारको संख्या २६ छ। ३५ जिल्लाका ४४ स्थानीय तहमा विभिन्न ४८ पदका लागि उम्मेदवारको मनोनयनपत्र दर्ता गर्ने काम बुधबार शान्तिपूर्ण रुपमा सम्पन्न भएको आयाेगले जनाएकाे छ।

स्थानीय तहमा उपमहानगरपालिकाको प्रमुख–१, गाउँपालिकाका अध्यक्ष–३, गाउँपालिकाका उपाध्यक्ष–१ र गाउँपालिका तथा नगरपालिकाका वडाध्यक्ष–४३ रिक्त पदका उपनिर्वाचन हुँदैछ।