पत्रकार मिजार पैरवी पुरस्कारद्धारा सम्मानित

नेपाल लाइभ | २०७६ कार्तिक २९ शुक्रबार | Friday, November 15, 2019 १८:२२:०० मा प्रकाशित

सिन्धुपाल्चोक – सिन्धुपाल्चोकमा पत्रकारीता गर्दै आएका पत्रकार चित्रकुमार मिजारलाई पैरवी पत्रकारिता पुरस्कारवाट सम्मान गरिएको छ ।  दश हजार राशीको उक्त पुरस्कारबाट शुक्रवार सम्मान गरिएकाे हाे ।
 राष्ट्रिय मानव अधिकार आयोगकी सदस्य मोहना अन्सारीले मिजारलाई पुरस्कारवाट सम्मान गरेकी थिइन् ।

हरेक वर्ष दलित, पछाडी परेको बर्ग  र सिमान्तकृत समुदायका लागि पत्रकारीता क्षेत्रवाट योगदान गरेका पत्रकारलाई यो पुरस्कारवाट सम्मानित गर्दै आएका छ । यो वर्ष मिजारलाई मिडिया एडभोकेसी फोरम नेपालले उक्त सम्मान गरेको हो । मोफसलमा पत्रकारीता गर्दै आएका मिजार गोरखापत्र दैनिकका संवाददाता हुन् । २०६० सालदेखि पत्रकारीतामा सक्रिय रहेका मिजार खोजमुलक र पीडितको आवाजको रुपमा  भुमिका निभाएको भन्दै फोरमले सम्मान गरेको हो ।