स्कुटर दुर्घटनामा युवतीको मृत्यु

नेपाल लाइभ | २०७६ मङ्सिर १ आइतबार | Sunday, November 17, 2019 ०९:३४:०० मा प्रकाशित

काभ्रे- रोशी गाउँपालिका–११ डालाबेँसीस्थित बिपी राजमार्गमा स्कुटर दुर्घटनामा परी एक युवतीको मृत्यु भएको छ।

जिल्ला प्रहरी कार्यालय काभ्रेपलाञ्चोक धुलिखेलका प्रहरी नायब उपरीक्षक दीपक गिरीका अनुसार काठमाडौंबाट सिन्धुलीतर्फ जाँदै गरेको बा९८प ७५८२ नंको स्कुटर खाल्टो छलाउने क्रममा अनियन्त्रित भई दुर्घटन हुँदा घाइते भएकी युवतीकाे मृत्यु भएकाे हाे ।

मुत्यु हुनेमा स्कुटरको पछाडि सवार कञ्चनपुर जिल्ला भीमदत्त नगरपालिका–६ घर भई पुरानो बानेश्वर काठमाडौं कोठा गरी बस्ने वर्ष १९ की अनुपमाकुमारी राउत रहेको प्रहरीले जनाएको छ।

शनिबार स्कुटरमा सवार दुईजना घाइते भएका थिए। घाइतेलाई धुलिखेलस्थित धुलिखेल सामुदायिक अस्पतालमा उपचारपश्चात थप उपचारका लागि नर्भिक अस्पताल काठमाडौं पठाएकोमा राउतकाे उपचारका क्रममा आइतबार बिहान ३ः०० बजेतिर मृत्यु भएको हो ।

दुर्घटनामा परी घाइते हुनेमा स्कुटर चालक रामेछाप मन्थली नगरपालिका–९ घर भई हाल मध्यबनेश्वर काठमाडौं कोठा गरी बस्ने अन्दाजी वर्ष २२ का गोपाल बोहरा रहेको प्रहरीले जनाएको छ।