काठमाडौं– निर्मला पन्तको बलात्कारपछि हत्या गरेको आशंकामा प्रहरीले कञ्चनपुरका प्रदीप रावललाई पक्राउ गरेको छ। प्रहरीको केन्द्रीय अनुसन्धान ब्युरो (सिआइबी)ले उनलाई हिजो महाराजगञ्जबाट पक्राउ गरेको थियो।
उनको बयान लिन प्रहरी महानिरीक्षक सर्वेन्द्र खनाल आफैं सिआइबी पुगेका छन्।
सिअाइबीको टोलीले मंगलबार रावललाई महाराजगञ्जबाट पक्राउ गरेको थियो।
उनलाई सार्वजनिक अपराधमा म्याद थप गरेर अनुसन्धान सुरु गरिएको छ। डिएनए परीक्षणका लागि उनको रगत प्रहरीको विधि विज्ञान प्रयोगशाला पठाइसकिएको स्रोतले जानकारी दियो।
आइजिपी र सिआइबीको टोलीले अहिले उनीमाथि बयान लिइरहेको छ।
निर्मलाको हत्या भए लगत्तै भारत गएका उनी ५ दिनपछि कञ्चनपुर फर्किएका थिए। त्यसपछि प्रहरीले उनीमाथि शंका गर्दै डिएसपी अंगुर जिसीको टोलीले पक्राउ गरेको थियो। तर उनको संलग्नता नदेखिएपछि रावललाई रिहा गरिएको थियो।
उनै रावललाई सिआइबीले पुनः पक्राउ गरेर अनुसन्धान सुरु गरेको हो।
लागुऔसध दुर्व्यसनी समेत रहेका रावलको उमेर २२ वर्ष भनिए पनि १५–१६ वर्ष मात्र भएको स्रोतले उल्लेख गरेको छ।
उनलाई महानगरीय प्रहरी वृत महाराजगञ्जको हिरासतमा राखिएको छ।
१३ वर्षीया निर्मला पन्तको गत साउन १० गते बलात्कारपछि हत्या गरिएको थियो। उनको शव नजिकैको उखुबारीमा साउन ११ गते फेला परेको थियो। घटनाको चार महिना बितिसक्दा पनि सरकारले दोषी पत्ता लगाउन सकेको छैन। अनुसन्धानका क्रमममा प्रहरीले दर्जनौंसँग सोधपुछ गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
