काठमाडौं- सरकारले नयाँ मर्यादाक्रम सार्वजनिक गरेको छ। स्थानीय जनप्रतिनिधिलाई तल्लो मर्यादाक्रममा राखिएको भन्दै २०७४ सालको मर्यादाक्रमका विषयमा विवाद भएको थियो।
स्थानीय तह निर्वाचनपछि पनि सरकारले मर्यादाक्रम हेरफेर गरेको थियो। नगर प्रमुखलाई सहसचिवभन्दा तल राखिएको भन्दै नगरपालिका संघ र गाउँपालिका महासंघले प्रधानमन्त्रीलाई ध्यानाकर्षण गराएका थिए।
नयाँ मर्यादाक्रममा राष्ट्रपति, उपराष्ट्रपति, प्रधानमन्त्री क्रमश: पहिलो, दोस्रो र तेस्रो नम्बरमा यथावत् छन्। प्रधानन्यायाधीश र प्रतिनिधि सभाका सभामुख, राष्ट्रिय सभाका अध्यक्ष चौथो नम्बरमा छन् भने पूर्व राष्ट्रपति, पूर्व प्रधानमन्त्री, उपप्रधानमन्त्री, पाचौ नम्बरमा छन्। त्यसैगरी प्रदेश प्रमुख छैटौं नम्बर छन्।
संघीय सरकारका मन्त्री, प्रदेशका मुख्यमन्त्री, विपक्षी दलका नेता, नेपाल रत्न पाउनेहरु, पूर्वप्रधानन्यायाधीश, संविधानसभाका अध्यक्ष, उपसभामुख, राष्ट्रियसभाका उपाध्यक्ष, सत्तापक्षका संसदीय दलका उपनेता लगायतका सातौं नम्बरमा छन्।
प्रदेशका मन्त्री र केन्द्रका सांसद, राज्यमन्त्री, काठमाडौं महानगरका मेयर, पूर्वसांसद, मुख्यसचिव र प्रधानसेनापति नवौं नम्बरमा छन्। अन्य महानगरका मेयर, प्रदेशका सहायकमन्त्री लगायत दशौं नम्बरमा छन्।
सचिव, प्रहरी प्रमुख, उपमहानगरका प्रमुख र काठमाडौंका उपमेयरको मर्यादाक्रम १२ औं नम्बरमा छ। नगरपालिकाका प्रमुख १४औं र गाउँपालिकाका प्रमुख १५औं नम्बरमा हुँदा सरकारका उपसचिव, प्रमुख सेनानी १७औं नम्बरमा छन्।
पदाधिकारीका पति वा पत्नीलाई आमन्त्रण गरिएको औपचारिक समारोहमा निजहरुको मर्यादाक्रम सम्बन्धित पदाधिकारीको मर्यादाक्रम अनुसार नै हुने उल्लेख छ भने एउटै नम्बरमा परेका पदाधिकारीको मर्यादाक्रम उल्लेखित क्रम अनुसार नै हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1791537767.jpeg)
-1786602170.png)
