काठमाडौं– आइसिसी विश्वकप क्रिकेट प्रतियोगितामा भारत सबैभन्दा बढी शतक प्रहार गर्ने टिम बनेको छ।
आइतबार भारतका शिखर धवनले अस्ट्रेलियाविरुद्ध शतक प्रहार गरेसँगै भारत सबैभन्दा बढी शतक प्रहार गर्ने टिम बनेको हो। योसँगै भारतले विश्वकपमा २७ शतक प्रहार गर्यो। यसअघि अघिल्लो खेलमा रोहित शर्माले दक्षिण अफ्रिकाविरुद्ध शतक प्रहार गरेका थिए।
जारी विश्वकपअघि बढी शतक बनाउने टिमको रेकर्ड अस्ट्रेलियाको नाममा थियो। अस्ट्रेलियाले विश्वकपमा अहिलेसम्म २६ शतक प्रहार गरेको छ। रोहित शर्माले दक्षिण अफ्रिकाविरुद्ध शतक प्रहार गरेसँगै भारतले अस्ट्रेलियाको रेकर्ड बराबरी गरेको थियो।
विश्वकपमा भारतका लागि सबैभन्दा बढी शतक बनाउने सचिन तेन्दुलरकार हुन्। सचिन समग्र शतक प्रहार गर्ने खेलाडीमा पनि अघि छन्। उनले ६ शतक हिर्काएका थिए।
विश्वकपमा शतक प्रहार गर्ने भारतीय खेलाडी
कपील देव, सुनील गावस्कर, सचिन तेन्दुलकर (६), विनोद काब्ली, राहुल द्रविड (२), सौरभ गांगुली (४), अजय जडेजा, वीरेन्द्र सेहवाग (२), विराट कोहली (२), युवराज सिंह, शिखर धवन (३), सुरेश रैना, रोहित शर्मा (२)
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।